રૂટ કેનાલ ટ્રીટમેન્ટ - સડી ગયેલ, દુ:ખતા દાંત-દાંઢને બચાવવાનો કાયમી ઉપાય

કુદરતી દાંત – શ્રેષ્ઠ દાંત

રૂટ કેનાલ ટ્રીટમેન્ટના ફાયદાઓ

રૂટ કેનાલ ટ્રીટમેન્ટની જરૂર કયારે પડે?

દાંતમાં કયા લક્ષણો હોય તો રૂટ કેનાલ ટ્રીટમેન્ટ કરવી પડે?

દાંતનો એક્સ-રે:

રૂટ કેનાલ ટ્રીટમેન્ટ એટલે શું?

સારવાર પછી દાંત પર કવર (કેપ) જરૂરી હોય છે? 

દાંતના ઊંડા સડાની રૂટ કેનાલ ટ્રીટમેન્ટ ન કરાવીએ તો શું થાય?

રૂટ કેનાલ ટ્રીટમેન્ટ વિશેની ગેરમાન્યતાઓ

જામનગરમાં રૂટ કેનાલ ટ્રીટમેન્ટ માટે  ડો. ભરત કટારમલ ડેન્ટલ ક્લિનિક - અમારી વિશેષતાઓ

રૂટ કેનાલ ટ્રીટમેન્ટ માટેની અમારી વર્લ્ડક્લાસ ટેકનોલોજી

કુદરતી દાંત – શ્રેષ્ઠ દાંત

આદર્શ રીતે તો તમારા દાંત આજીવન તમારી સાથે રહેવા જોઈએ, પરંતુ કમનસીબે દાંતમાં સડો અથવા ઈજાને કારણે જો દાંતમાં ઇન્ફેક્શન થાય અને દાંત દુ:ખવા લાગે તો દુઃખતા દાંતને બચાવવા અને ચાવવાની કાર્ય ક્ષમતા પાછી મેળવવા રૂટ કેનાલ ટ્રીટમેન્ટની જરૂર પડે. પહેલાના સમયમાં આવા દુઃખતા, સડેલા દાંતને કાઢી નાખવામાં આવતા હતા, પરંતુ હવે આધુનિક સારવારની મદદથી આવા રોગગ્રસ્ત દાંતને કઢાવવાને બદલે કાયમ માટે બચાવી શકાય છે.

 

તમારા કુદરતી દાંત જેવું શ્રેષ્ઠ બીજું કશું નથી. જયારે પણ સડી ગયેલ દાંતમાં ટ્રીટમેન્ટની જરૂર પડે ત્યારે તમારા કુદરતી દાંતને બચાવવો એ હમેંશા સારવારની પ્રથમ પસંદગી હોવી જોઈએ. આધુનિક બ્રિજ કે ઈમ્પ્લાન્ટ પણ તમારા કુદરતી  દાંતથી ચડિયાતા નથી.

 

જો નિષ્ણાંત ડોક્ટર દ્વારા ચોક્કસાઈથી ટ્રીટમેન્ટ થયેલ હોય તો મોટાભાગના કેસમાં રૂટ કેનાલ ટ્રીટમેન્ટ  સફળ છે. ત્યારબાદ દાંતની યોગ્ય  સંભાળ લેવામાં આવે તો સારવાર કરેલ દાંત ઘણા દાયકાઓ સુધી કોઈ પણ જાતની તકલીફ વગર વ્યવસ્થિત કામ આપે છે.

 

રૂટ કેનાલ ટ્રીટમેન્ટના ફાયદાઓ

• તમારો કુદરતી દાંત બચી જાય છે. 
• ચાવવાની કાર્ય ક્ષમતા પાછી મેળવી શકાય છે.
• દાંત કઢાવવાની સારવારથી છુટકારો મળે છે. 
• ચહેરાનું સૌદર્ય જળવાય છે. 
• જડબાના હાડકાનું બંધારણ જળવાય છે.
• આરામ અને તંદુરસ્તી જળવાય છે.
• અને આર્થિક રીતે વિચારીએ તો દાંત કઢાવીને બ્રિજ કે ઈમ્પ્લાન્ટ કરાવવા કરતા રૂટ કેનાલ ટ્રીટમેન્ટથી દાંત બચાવવો વધારે ફાયદાકારક છે.

 

રૂટ કેનાલ ટ્રીટમેન્ટની જરૂર કયારે પડે?

કારણો: 

•  ઊંડો સડો
• દાંતની ઈજા
• દાંતનો તીવ્ર ઘસારો

 

દાંતમાં કયા લક્ષણો હોય તો રૂટ કેનાલ ટ્રીટમેન્ટ કરવી પડે?

• ચાવતી વખતે દાંતમાં દુઃખાવો.
• ઠંડી કે ગરમ વસ્તુથી દાંત સેન્સીટીવ હોય. 
• જમતી વખતે સડાને કારણે દાંત-દાંઢમાં પડેલા ઊંડા ખાડામાં ખોરાક ફસાતો હોય  
• દાંતના મૂળિયાં નજીક પેઢા પાસે સોજો કે દુઃખાવો.
• દાંતના મૂળિયાં નજીક પેઢામાંથી રસી નીકળતા હોય 
• દાંતનો કલર બગડી જવો.
• કયારેક કોઈ લક્ષણ ન પણ હોય. 

દાંતનો એક્સ-રે:

એક્સ-રે માં સ્પષ્ટ હોય કે દાંતનો સડો નસ સુધી ઊંડો પહોચી ગયેલ હોય.

 રૂટ કેનાલ ટ્રીટમેન્ટ એટલે શું?

રૂટ કેનાલ ટ્રીટમેન્ટ દાંતની નસની જટિલ અને ચોકકસાઈપુર્વક કરવામાં આવતી ટ્રીટમેન્ટ છે, જેમાં દાંતનું પોલાણ અને રૂટ કેનાલમાંથી ઇન્ફેક્શન દુર કરવામાં આવે છે અને ખાસ રબર જેવા મટીરીયલથી  (કૃત્રિમ નસ) કેનાલ સીલ કરવામાં આવે છે, જેથી ફરીથી ઇન્ફેક્શન થાય નહિ.

 

સારવાર પછી દાંત પર કવર (કેપ) જરૂરી હોય છે? 

ઊંડા સડી ગયેલ, દુ:ખતા દાંત-દાંઢને બચાવવા રૂટ કેનાલ ટ્રીટમેન્ટ કરવાના બે ધ્યેય છે, એક, દુખાવો કાયમ માટે દૂર કરવો અને બીજું, દાંત-દાંઢની ચાવવાની કાર્યક્ષમતા પાછી મેળવવી. 

સડેલા દાંત-દાંઢની સારવાર દરમિયાન જેટલો ભાગ સડેલો હોય તે દૂર કરવો જરૂરી છે. દાંત-દાંઢ સાફ કર્યા પછી જો એવું લાગે કે હવે બચી ગયેલ દાંત નબળો થઈ ગયો હોય અને તેને કારણે કોઈ કડક વસ્તુ ચાવવાથી દાંતમાં  ફ્રેક્ચર થવાની અથવા તેમાં કરેલું ફીલીંગ નીકળી જાય એવી શક્યતા હોય તો તેના પર રક્ષણાત્મક અને કોસ્મેટીક કવર (કેપ) કરવું હિતાવહ છે. 

સડો કે ઈજાને કારણે દાંતમાં થયેલા ઇન્ફેક્શનને દુર કરવા રૂટ કેનાલ ટ્રીટમેન્ટ કર્યા પછી દાંતને પોષણ મળતું બંધ થાય છે, ત્યારપછી દાંતનો કલર કાળાશ પડતો ઘટ્ટ થાય છે તેમજ નબળો પડી ગયેલ દાંત બટકણો થાય છે, દાંતમાં  ફ્રેક્ચર થવાની શક્યતા રહે છે. તેથી તેના પર રક્ષણાત્મક અને કોસ્મેટીક કવર (કેપ) કરવું હિતાવહ છે. 

સડેલો ભાગ સારો એવો દૂર કર્યા પછી, દાંત-દાંઢની ચાવવાની સપાટીને મૂળ આકાર આપવા કેપ જરવી જરૂરી બને છે જેથી દાંત-દાંઢની કાર્યક્ષમતા પાછી મેળવી શકાય. 

રૂટ કેનાલ ટ્રીટમેન્ટ કર્યા પછી અને સડો દૂર કર્યા પછી, જો દાંતનો સારો એવો મજબૂત ભાગ બચાવી શકાય એમ હોય તો તેના પર કેપ કરવી જરૂરી નથી. 

જો નિષ્ણાત અને અનુભવી ડૉક્ટર દ્વારા રૂટ કેનાલ ટ્રીટમેન્ટ દરમિયાન મહત્તમ તંદુરસ્ત ભાગ બચાવવામાં આવે અને ટ્રીટમેન્ટ પછી ફીલીંગથી દાંત-દાંઢની ચાવવાની સપાટીને ફરીથી મૂળ આકાર આપી શકાય, તો કેપની જરૂર રહેતી નથી.

 

દાંતના ઊંડા સડાની રૂટ કેનાલ ટ્રીટમેન્ટ ન કરાવીએ તો શું થાય?

ઘણીવખત કેટલાક લોકો સડેલા દુઃખતા દાંતમાં રૂટ કેનાલ ટ્રીટમેન્ટ કરાવવાને બદલે પીડાશામક દવાઓથી ટેમ્પરરી રાહત મેળવવાના પ્રયાસ કરતા હોય છે  અને ટ્રીટમેન્ટ ટાળતા હોય છે. જો સમયસર યોગ્ય ટ્રીટમેન્ટ ન થાય તો રૂટ કેનાલનું ઇન્ફેક્શન દાંત નીચેના જડબાના હાડકામાં ફેલાય છે. તેને કારણે જો દબાણપૂર્વક રસી થાય તો અસહય દુઃખાવો થાય અને જો રસીની માત્રા ઓછી હોય તો કોઈ દુઃખાવો થતો નથી. શરીરની રોગપ્રતિકારકશક્તિ ખુબ જ સારી હોય ત્યારે આવા ઇન્ફેક્શનની ખબર પણ પડતી નથી, પણ જયારે આરોગપ્રતિકારકશક્તિ  સહેજ પણ નબળી પડે ત્યારે આ ઇન્ફેક્શન માટેના જવાબદાર બેક્ટેરિયા હાવી થઇ જાય છે અને દાંતમાં મધ્યમથી અસહય દુઃખાવો કરે છે અને આ  રસી જડબાના હાડકામાં હોલ કરીને બહાર નીકળી પેઢા, જડબા કે ચહેરા પર સોજો લાવે છે. દાંતને જકડી રાખતા હાડકામાં એક હદથી વધારે નુકસાન થાય તો, જે દાંત સમયસર ટ્રીટમેન્ટથી બચાવી શકાયો હોત તે દાંતને કઢાવવો પડે છે.

સ્પષ્ય રીતે, ટ્રીટમેન્ટમાં વિલંબ કરવો જોખમી છે.

 

રૂટ કેનાલ ટ્રીટમેન્ટ વિશેની ગેરમાન્યતાઓ

રૂટ કેનાલ ટ્રીટમેન્ટ વિશેની ગેરમાન્યતાઓ

ગેરમાન્યતા: રૂટ કેનાલ ટ્રીટમેન્ટમાં ખુબ જ દુઃખાવો થાય છે.

સત્ય: રૂટ કેનાલ ટ્રીટમેન્ટમાં દુઃખાવો થતો નથી, ઉલટું, તેનાથી તો દુઃખાવો દુર થાય છે, અને તે પણ કાયમ માટે.  અમારી વિશેષ આધુનિક ટેકનોલોજી અને એનેસ્થેસિયા વડે આ ટ્રીટમેન્ટ  ઘણી આરામદાયક રહે છે.

 

ગેરમાન્યતા: એક વખત દાંત સડે અને દુઃખે પછી કઢાવવો જ પડે.

સત્ય: થોડા સમય પહેલા આ માન્યતા સાચી હતી, પરંતુ હવે આધુનિક  ટેકનોલોજી, સંશોધન, તાલિમ અને  બેસ્ટ કવોલીટી મટીરીયલ અને મેડીસીનથી જો વ્યવસ્થિત,ચોક્કસાઈપૂર્વક સારવાર થયેલ હોય તો લગભગ ૧૦૦% કેસમાં સડો કે ઈજાને કારણે દુઃખતા દાંતને કાયમ માટે મટાડી શકાય છે અને તે પણ ફરીથી વર્ષો સુધી કામ આપે તે રીતે.

 

જામનગરમાં રૂટ કેનાલ ટ્રીટમેન્ટ માટે ડૉ. ભરત કટારમલ ડેન્ટલ ક્લિનિક - અમારી વિશેષતાઓ

• આ સારવાર ડો. કટારમલ સાહેબ દ્વારા કરવામાં આવશે જેમણે દેશના નામાંકિત ડોક્ટરો પાસેથી એડવાન્સ્ડ ટ્રીટમેન્ટની સઘન વિશેષ તાલિમ મેળવેલી છે.
• રૂટ કેનાલ ટ્રીટમેન્ટનો વર્ષોનો બહોળો અનુભવ અને નિપુણતા ધરાવે છે.
• દરેક કેસમાં પરફેકશનનો આગ્રહ.
• અમે  રૂટ કેનાલના દરેક કેસમાં રબર ડેમનો ઉપયોગ કરીએ.
• સારવાર દરમિયાન સ્ટરીલાઈઝેશન અને સ્વચ્છતા પ્રત્યે વિશષ ધ્યાન, જે ૧૦૦% સફળ સારવાર માટે ખુબ જ મહત્વનું છે. 

 

રૂટ કેનાલ ટ્રીટમેન્ટ માટેની અમારી વર્લ્ડક્લાસ ટેકનોલોજી

• Endomotor NSK(USA) :-  જેના વડે રૂટકેનાલમાંથી  ઇન્ફેક્શન વધુ સક્ષમ રીતે દુર થાય છે. આ મશીન વડે હવે ડોક્ટર અને પેશન્ટ, બંને માટે રૂટ કેનાલ ટ્રીટમેન્ટ આરામદાયક રહે છે.
• ApexLocator –Root Zedex (USA) :- આ મશીનની મદદથી રૂટ કેનાલ ટ્રીટમેન્ટ એકદમ ચોક્કસાઈપૂર્વક કરી શકાય છે.
• 3D Root Canal Obturation System EQ-V - રૂટ કેનાલનું એકદમ ચોકસાઇ પૂર્વક ફરીથી ઇન્ફેકશન ન થાય તે રીતે સીલ કરે છે. 
• Protaper Root Canal System (USA) :- રૂટ કેનાલ ટ્રીટમેન્ટ માટે અત્યારે નવસંશોધિત થયેલી દુનિયાની આ શ્રેષ્ઠ સફળત્તમ ટેકનીક છે.

આ પણ વાંચો, તમને જરૂર ગમશે.

જો આ માહિતી આપને મહત્વની લાગતી હોય તો તમારા પ્રિય લોકો સાથે જરૂરથી શેર કરશો.